Kəpəz" klubunun yeni baş məşqçisi Tərlan Əhmədovun təqdimat mərasimi olub.
50 yaşlı mütəxəssislə cari mövsümün sonunadək müqavilə bağlanılıb. Əhmədova məşqçilər Ədahim Niftəliyev, Ceyhun Tanrıverdiyev, Vidadi Rzayev və Nadir Şükürov kömək edəcək. Klubun yeni çalışdırıcısı jurnalistlərə açıqlamasında komandanın uğurları üçün görüləcək işlərin həddindən artıq olduğunu deyib. Xatırladaq ki, Tərlan Əhmədov bu vəzifədə bir müddət əvvəl istefaya göndərilən Yaşar Vahabzadəni əvəz edib. Qeyd edək ki, Premyer Liqada xal qazana bilməyən "Kəpəz" sonuncu pillədədir.